Ég veit vel að sem siðmenntaður maður þá á maður ekki að láta hefndarfýsn né reiði og hatur stjórna sér. En stundum er ekkert annað hægt. Þegar ógeðfellt fólk sem þjónar engum tilgangi fyrir samfélagið nema að vera byrði á samfélaginu og skattgreiðandi einstaklingum. Fólk sem flýgur hingað frá hinum enda heimsins bara til þess eins að vera aumingjar og níðmenni eiga ekkert gott skilið. Ég minni á að þessi grein mín er ekki ætlað sem eitthvað hatursbréf gegn nýbúum, heldur stríðsyfirlýsing gegn glæpalýð og óþokkum sem ráðast að fólki að tilefnislausu.
Vinur minn Jóel Brynjólfsson 18 ára nemi við Verzlunarskólann lenti einmitt í hópi af þess konar óþokkalýð. Þessi hópur sem af tilviljun voru allir innflytjendur ættaðir frá Asíu réðst að honum að því sem virðist tilefnislausu og veittist að honum með barsmíðum. Ekki nóg með að hafa verið fjórir til fimm saman gegn honum einum. Heldur unnu þeir einnig það níðingsverk að stappa á höfði hans þegar hann lá rotaður í jörðinni. Þessi lýður æstist bara við það að hann skyldi falla niður meðvitundarlaus. Góður vinur hans Jóels sem kom fyrstur að honum(fyrir utan þau fjölda mörgu vitni sem voru viðstödd) tekur hann í arma sér og hristir hann til og reynir að vekja hann án árángurs. Eftir örstutta stund ælir Jóel meðvitundarlaus blóði úr sárum sem hann hafði hlotið vegna innvortisblæðinga og blóðs sem hann hafði gleypt vegna högga árásarmannanna í andlit hans. Við það hlær einn af óþokkunum kvikindis hlátri líkt og honum liði eins og hann væri við þetta orðinn meiri maður fyrir vikið.
Þetta ömurlega pakk sem sýnir enga yðrun heldur hlær af gjörðum sínum á ekkert gott skilið. Hvað þá, þá silkihanska meðferð sem glæpalýður þessa lands viðrist fá. Hvers vegna er það svo að ef sakborningur er gripinn glóðvolgur við það að hérumbil drepa mann að honum er sleppt eftir yfirheyrslur? Hvar er réttlætið í því? Eiga menn ekki að gjalda gjörða sinna á þessu landi? Eiga menn að ganga lausir eftir að hafa ekki einungis hugsanlega örkumlað mann, heldur einnig sýnt enga yfirbót, gert vinum og ættingjum erfitt fyrir og sýnt ekkert nema óvirðingu við samfélag sem tók þeim opnum örmum. Hvað er að réttarkerfi Íslands?
Líklegast skýringin sem mér dettur í hug er bara sú að sökum fyrringar íslenskra pólitíkusa og fólks með völd í samfélaginu þá hefur réttar- og dómskerfið ekki náð að halda í við aukningu á ofbeldi og annarskonar glæpum sem virðast verða æ harðari. Við viljum alltaf meina að samfélagið okkar Ísland sé friðsælla og betra en önnur sambærileg samfélög. Að hér sé öruggt og gott að búa. En ef við lítum einungis á þá gríðarlegu aukningu á glæpum sem hefur orðið eftir að Ísland gerðist aðili að Schengen fer maður að klóra sér í hausnum. Ég man vel eftir forsíðufrétt í því misgóða blaði DV þar sem talað var um að Litháenska mafían sé að reyna að ná kjölfestu hérna og hver man ekki eftir Hells angels málinu. Það virðist sem sótt sé að litla góða fróninu okkar á fleiri en einn vígstöð, að utan jafnt sem innan. Glæpalýður veður uppi á meðan alþingismenn loka augum og eyrum. Þetta virðist vera ,,tag-line" í Sin city bíómynd, en svo er ekki.
Má útfrá umræðu minni fara að velta fyrir sér ýmsum deilum varðandi notagildi Schengen(sem mér finnst einkar lítið). T.d. veit ég að Bretland og Írland sem eru aðildaþjóðir að Evrópusambandinu hafa ákveðið að halda sig utan Schengen því þeir telja hag sinn betur settan utan þess sökum þeirrar staðreyndar að þetta eru bæði eyjaþjóðir. En málið sem ég vil tala um er Ísland og glæpir á Íslandi. Hrottaskapur og gróðofbeldisbrot aukast og ekki virðist sem peningar né úrræði séu til ráða til að berjast gegn ofbeldismönnum. En það versta þykir mér þó að ég er viss um að þetta mál mun taka tvö ár í vinnslu og eftir það munu mennirnir hljóta skilorðsbundinn dóm og fjársekt. Það mun ekki bæta fyrir vin minn sem liggur enn í annarlegu ástandi á sjúkrahúsi, næstum viku eftir árásina og mun hugsanlega aldrei ná sér alveg.
Lag gærdagsins: Similou - All This Love
